推介10款Office辦公室零食
漫長既Office Hours，齋靠意志力同咖啡，又點同到睡魔博鬥呢？陪你捱過一星期工作既「好拍檔」，可能就係辦公室零食！無論係對抗睡意，定係突然想食啲甜嘢、鹹嘢，有啱心水嘅辦公室零食喺手，整個人即刻精神晒。
Dutch Shop Hong Kong 為你精挑細選咗一堆又好味又夠特色嘅辦工室零食，隨時幫你補充能量。以下就係我哋嘅 Top 10 零食推介，款款都係荷蘭有名零食（荷蘭直送香港！），記得擺喺 Office 看門口，加強工作既戰鬥力！ 買黎做小禮物、散水餅或自用，一樣冇問題。
1. Red Band 酸糖 (280克)
Office一大堆文件，睇到好想瞓？介紹番 --「Red Band 提神糖果」！咬落去甜甜酸酸，聞落去香噴噴，軟糖，好味又醒神。食幾粒，啱啱好，保證即刻回神，工作更有動力！Red Band 仲有酒糖 (245克）嫁，記得一次過買埋啦。
酸軟糖 - 價錢：HK$52
酒糖 - 價錢：HK$38
2. Body & Fit 高蛋白曲奇 (50克)
鍾意做運動既你，想喺辦公室保持蛋白質吸收？我哋幫到你！呢款海鹽焦糖味高蛋白曲奇（50克滿滿能量）又飽肚又好味，甜鹹味道啱啱好，食落超滿足。Bonus係：食得滋味又唔怕下午電郵轟炸時冇力氣！
價錢：HK$32
3. Wilhelmina 清新硬薄荷糖 (200克)
可能係全球最歷史悠久既薄荷糖，以荷蘭女王威廉明娜命名，1892年面世，經典又有皇室氣派，包裝仲要好靚。經典又有格調。喺開會前嚟一粒，清新又舒服，幫你即刻reset，精神up up！
4. Sultana Bosvruchten 水果餅乾 (218克）
食完晏晝飯返到Office仲肚餓，點算好？水果餅乾係你既救星，唔肥膩，份量剛剛好，每包有3塊小曲奇（一盒有5包），仲可以開心Share。味道微甜（市面上既水果餅乾太甜啦 ><），夠哂健康，食多兩包都唔會有罪惡感！Sultana Bosvruchten 有蘋果味同黑莓味，兩款都正！
5. Unox 即沖湯 (多款口味)(3 x 175ml)
辦工室越坐越凍，即刻去沖番杯湯飲 （加熱水即沖即飲），捧住碗暖笠笠嘅湯，可以暖番手腳，紓緩大腦閉塞，再次靈感如泉湧，Unox 懶人湯包，味道好好飲，款式仲要勁多 -- 蕃茄湯、忌廉蘑菇湯、胡蘿蔔豌豆湯、忌廉蘆筍湯、牛肉湯、蔬菜湯、雞湯、南瓜湯、芥末忌廉湯湯、韭蔥忌廉湯等，日日喺Office飲唔同款都得，真正簡單又滋味！
價錢：HK$30 - 35
完整 Unox 即沖湯系列
立即瀏覽
6. Autodrop Total Loss Mix 甘草糖 (280克）
呢款就啱晒唔知想食咩嘅你！甜絲絲、酸味味、水果味、甘草味，一包全部有晒。Autodrop Total Loss Mix就係荷蘭糖果嘅大雜燴，啱晒同同事share。擺幾包喺辦公室，大家都開心！BTW, Autodrop 都有出酸糖嫁。
價錢：HK$48
7. Chocomel 荷蘭牛古力奶 (1公升）
香港人應該識唔少荷蘭牛奶品牌 (如子母、美素佳兒等)，皆因當地草原肥沃，適合畜牧業，生產嘅牛奶品質高，奶味香濃。Chocomel 牛古力奶 一樣品質有保證，滑溜溜、朱古力味十足，濃郁又唔膩，放喺辦公室雪櫃雪凍後飲，絕對係即好飲又透心涼。喺 Office 成日飲咖啡、濃茶既你，係時候轉下口味啦！
價錢：HK$99
8. Tony's Chocolonely 朱古力 (多款口味)
準備好未？呢款可能係世上最善良既朱古力零食 。Tony’s Chocolonely 係荷蘭以至全世界既知名朱古力品牌，生產 100% 零奴工朱古力。作為打工仔，絕對唔希望見到勞工剝削，支持 Tony’s Chocolonely，就係支持公平貿易、共益企業（benefit corporation）的經營理念。當然，Tony's Chocolonely亦唔係淨係講理念，每一款朱古力都一樣好味，稱得上又好食又善良，買一件絕對唔夠！
價錢：HK$58
9. Tuc 鬆化餅乾 (100克）
想搵啲脆口嘢配茶或者咖啡？定係想要啲鹹鹹地既味道，隔開一堆甜既嘢食？Tuc 餅乾酥脆鬆化，食落滿足。簡單得嚟好味，放喺 Keyboard 附近，隨手拎黎食下。
價錢：HK$20
10. Duyvis 香脆花生 (多款口味) (275克）
如果你仲未試過 Duyvis 既香脆花生，就真係太可惜啦！每款香脆花生，包住不同口味（香辣BBQ、煙肉芝士、蔥蒜、 雞尾酒、原味等），惹味到停唔到口，簡直係將你最愛嘅酒吧小食，直接搬咗入辦公室品嚐。平日偶爾腦閉塞，一食即刻通番哂！
價錢：HK$55-65
只係得 10 款零食，當然唔會夠花掉大半生的番工生涯，已為你準備更多的返工零食必買推介，有超市、有網購、有海外直送，立即睇！
